अखिल भारतीय सफाई मजदूर काँग्रेसच्यावतीने मनिषा वाल्मिकी यांच्या हत्यारांना फाशीची शिक्षा देण्याच्या मागणीकरिता पुणे जिल्हाधिकारी कार्यालयासमोर आंदोलन
प्रतिनिधी , पुणे : अखिल भारतीय सफाई मजदूर काँग्रेसच्यावतीने उत्तर प्रदेश मधील वाल्मिकी समाजातील मनिषा वाल्मिकी यांच्या हत्यारांना फाशीची शिक्षा देण्याच्या मागणीकरिता पुणे जिल्हाधिकारी कार्यालयासमोर आंदोलन करण्यात आले . यावेळी निवेदन निवासी उपजिल्हाधिकारी डॉ. जयश्री कटारे यांना अखिल भारतीय सफाई मजदूर काँग्रेसच्या शिष्टमंडळाने दिले .
मनिषा वाल्मिकीवर चार सुवर्ण ठाकूर यांनी गॅंगरेप करून तिची जीभ कापण्यात आली . तिच्या शरीरावर अत्याचार करण्यात आला . तिच्यावर वैद्यकीय उपचार व्यवस्थित करण्यात आले नाही . त्यातच तिचा मृत्यू झाला . पुरावे नष्ट करण्याकरिता तिच्यावर मध्यरात्री अंत्यसंस्कार करण्यात आले . त्यामुळे संबधित दोषी अधिकाऱ्यांवर कारवाई करण्यात यावी . अशी मागणी अखिल भारतीय सफाई मजदूर काँग्रेसचे राष्ट्रीय उपाध्यक्ष डॉ. सुधाकरन पणीकर यांनी केली . अखिल भारतीय सफाई मजदूर काँग्रेसचे राष्ट्रीय अध्यक्ष चरणसिंग टाक यांच्या नेर्तृत्वाखाली देशव्यापी तीव्र आंदोलन करण्यात आले .
या आंदोलनात अखिल भारतीय सफाई मजदूर काँग्रेसचे महाराष्ट्र प्रदेश उपाध्यक्ष गुलाब चव्हाण , दीपक निनारिया , रेखा राजे , एम डी वाघमारे , ऍड सुशील मंचरकर , नगरसेविका गीता मंचरकर , गणेश भोसले , राजेश सरशा , प्रविण पिवाल , दमयंती आहेर , किशन चावरिया , महेंद्र लालबिगे , अजय रामानंदी आदी पदाधिकारी व कार्यकर्ते सहभागी झाले होते