प्रतिनिधी, रायगड : रायगड जिल्ह्यातील उरण तालुक्यातील उरणमध्ये एका कार्यक्रमा निमित्त भाजप नेते गोपीचंद पडळकर येणार असल्याचे समजताच राष्ट्रवादी काँग्रेस पक्ष कार्यकर्त्यांनी तेलीपाडा येथे गोपीचंद पडळकराचा झेंडे दाखवून निषेध केला.
भाजपचे नेते गोपीचंद पडळकर हे राष्ट्रवादीचे संस्थापक तथा नेते शरद पवार यांच्यावर नेहमी खालच्या भाषेत टिका करतात विविध बेताल वक्तव्ये करतात त्यामुळे त्यांचा निषेध म्हणून उरण तालुका राष्ट्रवादी कांग्रेस पार्टी तर्फे राष्ट्रवादी कॉग्रेस पक्षाचे प्रदेश सरचिटणीस प्रशांत पाटील, महिला नेत्या भावनाताई घाणेकर यांच्या मार्गदर्शनाखाली उरण मुळेखंड तेलीपाडा येथे शहराध्यक्ष गणेश नलावडे (नाना )यांच्या नेतृत्वाखाली गोपीचंद पडळकर यांच्या विरोधात जोरदार निदर्शने करण्यात आली.
यावेळी राष्ट्रवादी काँग्रेस पार्टीचे जिल्हा उपाध्यक्ष ऍडव्होकेट भार्गव पाटील, युवक तालुकाध्यक्ष कैलास भोईर,शहराध्यक्ष गणेश नलावडे (नाना),तालुका सरचिटणीस प्रकाश म्हात्रे,चाणजे विभाग युवक अध्यक्ष सचिन पाटील,शहराध्यक्ष युवक – सनी म्हात्रे, नागाव अध्यक्ष वैभव कडू आदी राष्ट्रवादी पदाधिकारी कार्यकर्ते उपस्थित होते.